شلون تعرف قياس رجلك صح قبل ما تطلب حذاء STEPON؟

اختيار القياس الصح أهم شي حتى يكون الحذاء مريح. هاي الطريقة سهلة وتسويها بالبيت بدقيقتين.

قياسات STEPON: كل قياسين بقياس واحد

موديلات V1 و V2 و V3 و V4 قياساتها بهذا الشكل:

• 38-39
• 40-41
• 42-43
• 44-45
• 46-47

يعني إذا قياسك 40 أو 41، تختار 40-41. وإذا قياسك 43، تختار 42-43.

إذا ما تعرف قياسك

1. حط ورقة على الگاع جنب الحايط.
2. اوكف عليها وكعبك لازگ بالحايط.
3. خلي أحد يأشر بالقلم عند أطول إصبع.
4. قيس المسافة من الحايط للعلامة بالسنتيمتر.
5. سوي نفس الشي للرجل الثانية، واعتمد الأطول.

دزلنا الرقم عالواتساب، ونگلك القياس المناسب.

نصائح حتى تختار صح

• قيس رجلك آخر النهار، لأن الرجل تكون أكبر.
• إذا رجلك تنتفخ أو تقع بين قياسين، لا تختار الأكبر تلقائياً؛ تأكد من الطول والعرض وثبات الكعب، وراسلنا بقياس القدم حتى نساعدك تختار. اللاصق ما يعوض المقاس غير المناسب.
• إذا تلبس جواريب طبية سميكة، خذ هذا بالحساب.

موديل V5

STEPON V5 قياساته بالحروف (XS إلى XL)، لأنه مصمم للقدم المتورمة والجبيرة. راسلنا عالواتساب وگلنا حالتك، ونساعدك تختار القياس.

وإذا القياس ما ضبط؟

ولا يهمك. نبدلك القياس، بس راسلنا عالواتساب وخلي الحذاء نظيف وبحالته. تفاصيل أكثر بصفحة التوصيل والتبديل.