القدم عند مريض السكري حساسة أكثر من غيرها. أحياناً الإحساس بالرجل يقل، فممكن يصير احتكاك أو ضغط بالحذاء وصاحبها ما يحس بيه إلا بعد ما يتأذى. علمود هيچ، اختيار الحذاء مو شي بسيط، وهو من أهم الأشياء اللي تحمي القدم السكري.
شنو المواصفات اللي تدور عليها بالحذاء الطبي لمريض السكري؟
1. مساحة واسعة من قدام
الأصابع لازم تكون مرتاحة وما ينضغطن على بعض. الحذاء الضيق من قدام يسبب احتكاك وتقرحات.
2. داخل ناعم بدون خياطة تحتك بالرجل
البطانة الناعمة تقلل الاحتكاك، خصوصاً إذا الرجل بيها بروزات أو نتوءات.
3. نعل داخلي يوزع الضغط
النعل الميموري فوم ياخذ شكل الرجل ويوزع الضغط على كل القدم، بدل ما يتركز بمكان واحد.
4. لاصق (فلكرو) يتعدل
رجل مريض السكري ممكن تنتفخ آخر النهار. اللاصق يخليك توسع الحذاء وتضيقه حسب رجلك، ويسهل اللبس والشلع بدون ما تنحني هواي.
5. نعل مرن وكعب واطي
النعل المرن ينثني ويا الخطوة، والكعب الواطي يريح الكاحل والظهر ويقلل خطر الزحلگة.
6. خامة تتنفس
القماش اللي يتنفس يقلل التعرق والرطوبة داخل الحذاء، وهذا مهم للقدم الحساسة.
أي موديل من STEPON يناسبك؟
- STEPON V1: مفتوح من قدام بلاصق واحد، خفيف وسهل اللبس للاستخدام اليومي.
- STEPON V2: مفتوح من قدام بلاصقين قابلين للتعديل لضبط الاتساع. ملاءمته تعتمد على حالة القدم والمقاس، خصوصاً عند ضعف الإحساس.
- STEPON V3 Premier: ثلاث نقاط تعديل، للي يحتاج تحكم أكبر بالاتساع.
- STEPON V4: مساحة مريحة، ومناسب لبعض حالات تغير شكل القدم.
- STEPON V5: واسع جداً، للقدم المتورمة والجبيرة والجبس.
ملاحظة مهمة
الحذاء الطبي يساعد على الراحة والحماية، بس مو علاج. إذا عندك جرح أو قرحة مفتوحة بالرجل، راجع الطبيب قبل كلشي.
محتار بالموديل أو القياس؟ راسلنا عالواتساب ونساعدك تختار. التوصيل مجاني لكل العراق، والدفع عند الاستلام بعد الفحص.